買Gel (能量膠) 時要考慮d乜？｜ 咁多Gel點揀好？｜補給策略

買Gel時要考慮d乜？

並非所有gel功能都是一樣的。
傳統嘅諗法通常都係話40分鐘左右食一包gel， 究竟要食咩gel？點解40分鐘？

今日試下了解下gel有d咩，身體補給要補d乜，決定下次跑步/踩車或者比賽時帶咩補給。

碳水化合物 (Carbs)： 一般Gel至少含有 20 克(g) 碳水化合物， 而家大部份都起碼30克(g)。為了更快吸收並降低腸道問題的風險，您可以尋找由兩種不同形式的碳水化合物（例如麥芽糊精和果糖）製成的Gel。

鈉 (Sodium)：好多Gel入面有Sodium，當您大量出汗並流失電解質時，Sodium就變得至關重要。對於長時間、炎熱的跑步，您可能需要尋找含有 100mg或更多Sodium既gel， 如果補充不夠， 抽筋機會就會提高，如gel 沒有Sodium 都可以另外食鹽丸補給。

水凝膠技術(hydrogel)：水凝膠採用海藻酸鹽及果膠等天然成分，能有效保護碳水化合物通過胃部，減少過於快速吸收導致胃部不適，突破傳統運動補給品在高強度運動時的吸收限制

咖啡因 (Caffeine)：有Gel有一定量的咖啡因，可以讓你即時提神，提高精神集中力。每個人對咖啡因的反應度不同，初次使用時應注意身體反應。
太多咖啡因會有脫水風險：咖啡因有輕微的利尿作用，在長時間運動中需注意補水，所以補給要注意份量。

牛磺酸 (Taurine)：有少部份gel 含有牛磺酸，可以提高運動表現和加速恢復，抗疲勞。研究也顯示，短期補充牛磺酸可以對有氧和無氧運動表現產生正面效果，但要留意每日最多攝取量。

口味：食既野一定要揀岩口味。如果唔岩自己口味，咁幾好既gel都未必岩你，因為你比賽可能長時間都要食，食唔到或唔想食都影響你成個比賽。無論您喜歡中性口味的凝膠還是更甜的gel，都係好個人，易入口都好重要。

價錢： 一包gel 10幾蚊至30幾蚊都有，比賽同練習都要食，計計下都可以好貴。

最後要睇吓你比賽或者練習要食幾多

一般長距離單車比賽／三鐵單車項目(Ironman 70.3/ 226)：每小時需要90-120g 碳水化合物 Carbs
一般長距離跑步比賽(半馬／全馬) / 三鐵跑步項目(Ironman 70.3/ 226)：每小時需要60-90g 碳水化合物 Carbs
*當然每個人需要嘅份量都有唔同， 亦都要睇運動強度嘅消耗才能計劃有最好嘅補給策略。
咁樣可以大約計吓你需要食幾多，就知道你要買幾多， 咁就可以預算budget！
**練習強度無咁高，當然唔駛食咁多。

好重要！！！唔好係比賽中途第一次嘗試新Gel， 我哋經常都會話比賽唔好試新嘢，自己腸胃都要習慣。在訓練期間試下自己反應，測試不同的補給策略，達至最佳嘅效果。

最緊要listen to your body。